АМАКАЙ, әмәкәй диал. «беззубый; беззубый рот», к. диал. ама-у «тешсез авыз белән кабу», амак «(кырыйлары бетәшкән) агач тишеге» (к. ДС II: 34). Гиганов сүзлегендә рус. атакую – амаймен диелгән. Чаг. як. амай- «авызны киң ачу» һ.б. К. тат. диал., каз., к.-калп., кырг., үзб. һ.б. ам, әм «тешсез авыз; vulva», амавыз «шелтәләү, сүгү сүзе» (бу сүзлекләргә кертелми), тат. диал. ам итү, әм итү «кабып алу» (рус телендә дә ам! «кабып алу» имитатив сүз), бор. монг., бур. ама, монг. ам, тунг. алңа «авыз, тишек, ярык» һ.б. ш. (ССТМЯ I: 38–39).