АЛДЫР-У «быстро двигаться; успешно работать» – бу сүзне гадәти сүзлекләрдә ал-у сүзенә (аның йөкл. юн. дип) нисбәтлиләр, ләкин эзлекле мәгънәви багланыш ачык түгел. Чаг. уйг. алдыра- «ашыктыру, ашыгу», төр. аldırış «игътибар». Тат. диал. (ЗДС: 39) алдыргыш «тапкыр», (ТРС: 2007) алдырык «размах». Чаг. Әлдермеш.

Норматив алдыр-у («алырга әмер яисә мөмкинлек бирү») сүзенең мәгъ. киң булгач, алдыру «булдыру» гади сөйләмдә дә телдән төшеп бара.