АЗ II, әз «мало, малый» ~ бор. төрки, гом. төрки аз, төркм. ааз, як. аччыгай < азчыгай «азрак» (төрки azçıgaz азрак, күп түгел) ~ чув. диал. ар > мар. ор, ар id. (Räsänen 1969: 32), монг. арай, аран, эвенк. ара, арай «аз», маньч. арқан «көчкә, аз кала» сүзе белән чагыштырыла (ЭСТЯ I: 94).

Аз сүзен фар. āz «комсызлык, саранлык» сүзе белән чагыштыралар. Ул чагында аз сүзе белән аз- фигыле арасында «күпер салына» (к. Gabain: 40). К. Аз-у, к. ш. ук Кажибеков: 128.

Аз продуктив тамыр: азай-у; азсын-у; азлык  һ.б. Азчылык рус. «меньшинство» сүзеннән калька. Аз гына тәгъбире – тат. диал., кр.-тат. азгана аерым сүз булып киткән.