АДЫМ «шаг» – гом. төрки адым, чув. утă, утăс, утăм id. Чув. мисаллары һәм гом. төрки -ым сүзнең тамыры ада- фигыле икәнлеген күрсәтә, һәм чыннан да төр. диал. admak «атлау», төркм. әдим әдә «атлау, адымлау», әдим әдип әтләди «адым атып атлады» кебек фразалар, адым сүзе ат-у белән гомоген түгелме икән, дигән фикергә китерәләр. ЭСТЯ I: 88–89; Алекперов А.К. Фонетическая система современного азербайджанского языка. Баку, 1971: 60. К. Атла-у.

Дерив.: адымлы, адымсыз; адымлык; адымла-у.