ЯШЕНЛӘ’Ү ф. Бик якты булып, тирә-якны яктыртып, кабынып-кабынып алу; яшьнәү. Яшен яшенли, күк күкрәп ала, һәм Җәллади күз алдында зур черек, кәкре ботаклы агачка әверелә. А.Гадел. Чыннан да, ялт-йолт яшенләп, көчле күк күкрәүләр белән килгән яңгыр ничек башлана? С.Шәмси

Яшенли башлау Яшенләргә тотыну. Хәзер килеп яшенли башлавы да бик ихтимал. Р.Фәизов

Яшенләп алу Бераз яшенләү. Күктә бераз яшенләп алды

Яшенләп тору Хәзерге вакытта яшенләү. Көн яшенләп тора