ЯНАРТА’У и. 1) к. вулкан. Япониянең табигатендә булган бозлы яңгырлар, янартауларыннан чыккан ут дәһшәтләре, җир селкенү һәлакәтләре, тайфун фаҗигалары һәр ел саен Япония өстенә йөзәр меңләгән кешеләр корбаны, миллионлаган сумлык зарар китерә. Т.Гыйззәт

2) Көчле, әмма яшерен, сиздермәскә тырышылган хисләр. Хаммат бу сүзләрне шундый ачыргалану белән әйтте ки, Мөнирҗан дустының йөрәгендә янартаулар кайнавын аңлады. Н.Әхмәдиев