ЯМБ и. гр. әд. Силлабо-тоник шигырь төзелешендә басымы икенче иҗеккә төшә торган ике иҗекле стопа. Татар телендә басым сүзнең ахырына туры килү аркасында, татар көйләрендә гомумән ямб ритмы зур урын алып тора. М.Нигъмәтҗанов. Бу юлы инде ул мине шигырь теориясе белән таныштыра башлады: ямб, хорей, дактиль һәм тагын әллә күпме, әйтә башласаң, телне сындыра торган терминнар. Р.Миңнуллин