ЯЛКАУЛА’РЧА рәв. 1. Ялкауланып; ялкауларга хас булганча; ялкаулар кебек. Руслан, кесәсеннән наушник алып колагына кия-кия, ялкауларча инәлеп, миңа карады. А.Әхмәтгалиева

2. с. мәгъ. сөйл. Гадиләштереп; гадирәк итеп эшләнә торган; гади. Газон ясау эшендә ялкауларча алым исә мондый: бакча участогы җирен ничек бар шулай калдырабыз. Кәеф ничек? Ялкауларча тулма пешерү өчен, кәбестә, суган, кишер, помидор, сыер ите фаршы, үрдәк ите, дөге, тоз, борыч кирәк. Сөембикә