ЯЛГАНМАЛЫЛЫК и. лингв. Агглютинативлык. Сүзтезмәне язганда да әдәби тел нормалары, аның эчке законнары (сингармонизм, басым, ялганмалылык, тәртип, аһәң һ.б.) сакланырга тиеш, ә аларны чын-чыннан гамәлгә ашыру, үтәү мөмкинлеге синтагманы әйтү барышында төгәлрәк саклана. И.Низамов. Автор бу уңайдан төрки телләр өчен хас күп кенә лексик, фонетик һәм грамматик закончалыкларны күрсәтеп үтә: сингармонизм күренеше, ялганмалылык, родларның булмавы, тартым категориясе булу, ярдәмче фигыльләрнең зур урын тотуы, гомумтөрки лексик фондның барлыкка килүе, төрки сөйләмнең, сүз тәртибенең үзенчәлекле төзелеше һ.б. Фән һәм тел