ЭТЕШҮ ф. урт. юн. к. этү. Кызганып, атка булышкандай этешеп җибәрәм. Ш.Галиев. Гөлбикә мунчага кереп киткәч, яшүсмерләр --- мунчаның тәрәзәсе янына җыелып, бер-берсенең башларын этешеп, кечкенә тәрәзә янында юеш җирдә яталар иде. М.Мәһдиев. Авыр йөк төялгән арбаларны сөйри алмыйча чыгымчылаган малларга кешеләр этешеп, булышып барды. Р.Сәгъди

Этешә башлау Этешергә тотыну. --- кызый интеккән кешегә булышырга кирәк дип тапты һәм, базар сумкасын каен төбенә сөяп, кулларын бушаткач, яшел вагонның артыннан этешә башлады. К.Кәримов

Этешеп алу Кыска вакыт эчендә, аз гына этешү