ЭРДЕЛЬТЕРЬЕР и. ингл. Терьерлар төркеменнән төрле төстәге куе каты йонлы эт токымы һәм шул эт үзе. Этләр телендә Акмуенның белмәгәне юк, сәмәй көчекләргә генә түгел, бульдог, овчарка, эрдельтерьер кебекләргә дә сөякнең тәме турында, --- кирәксә, дәрес тә бирә алыр иде ул. Н.Әхмәдиев. Әлеге юлбасарлар шайкасында эт-маэмайлар затының нинди генә данлы, атказанган нәсел вәкилләре юк: озынча танаулы, озын сыйраклы сенбернарлар, --- нечкә билле эрдельтерьерлар, --- кыска аяклы болонкалар, кыланчык ак пудельләр, солдафон кыяфәтле доглар. А.Хәсәнов