ЭЗЛЕКСЕЗЛЕК и. Эзлеклелек җитмәү яки бөтенләй булмау күренеше; мантыйксызлык; эзлекле тәртибе булмау. Аның «Өлфәт» газетасы да башта бик зур абруй казана, ләкин бераздан, үзенең эзлексезлеге аркасында, укучыларын югалта. М.Мәһдиев. Гамәлдәге орфография кагыйдәләре буенча, «шигърият» сүзенә нечкә кушымча ялгана. «Әкият», «хикәят», «мәдәният» сүзләренә дә шулай. Мин бу очракта орфографиябездә эзлексезлек күрәм. А.Тимергалин