ШУШЫНДА а. Якында булган аерым, конкрет бер урынны күрсәтү өчен кулланыла; менә шунда, шушы урында, шушы җирдә, монда. Мин бит һаман шушында, беркая да киткәнем юк. Ә.Еники. Әхмәт Рәшитов турында сүзне шушында тәмамларга да мөмкин булыр иде. Ф.Яруллин. Менә Шайтан елгасының Сулук суына койган тамагы, язын шушында Птенцовлар, таш өеп, яр читен ныгытканнар иде. С.Шәрипов // Алда әйтелгән сүз яки фикерне алмаштырып, гомумиләштереп килә. Асылда, бөтен драманың төенләнеше шушында бит. М.Җәлил