ШАМАНЛЫК и. 1) к. шаманизм. Шулай итеп, ул регионнардагы төрки халыклар меңнәрчә еллар элек шаманлыкта булганнар, аннары тәңречелек дине тотканнар (һуннар, төркиләр) ---. И.Хуҗин. Безнең Гәрәй һәрнәрсәдән шаман инструментлары эзли. – Диплом темасы шаманлык булгач. М.Госманов

2) Шаман булу . Шаманлык һөнәрендә иң мөһиме – табигатьтәге хайван, агымсу, җил-давыл авазларына имитация ясау була (төрки телләрдә тәкълиди сүзләрнең байлыгы шуннан килсә кирәк) ---. Р.Әхмәтьянов. Якут олонхоларының уңай персонажлары, Алтай эпосы каһарманнары, безнең мәшһүр Идегәй кебек батырларда сихер көче, магия, тылсым, шаманлык, кансызлык, чиктән ашкан кирелек, үзсүзлелек, мактанчыклык кебек сыйфатларның барысы да бар. Ф.Урманче