ЧЫРШЫН и. Бал кортлары кәрәз күзәнәкләренә тутыра һәм ашамлык итеп куллана торган чәчәк серкәсе, чәчәк тузаны; бал корты икмәге. Шул арада ул Нурисламның кайбер сорауларына кыскача гына булса да җавап бирергә ашыкты: – Беренчедән, – диде ул, – мин әче балга, башкалардан аермалы буларак, чүпрә салмыйм. Аның урынына балның ипиен, ягъни дә чыршын салам. Г.Галиева. Кортка фәкать бал белән чыршын, ягъни бал икмәге, перга кирәк. Б.Камалов