ЧЫГАРЫЛМА и. 1. 1) иск. к. чыгарма. Чыгарылма бары тик аның сабыйлар, чын чирле һәм карт кешеләргә карата мөгамәләсенә генә кагыла ала иде. Р.Гаязетдин

2) мат. Дифференциаль исәпләүләрдә функциянең үзгәреш тизлеген характерлый торган төп төшенчәсе; русчасы: производная

2. с. мәгъ. махс. Нәрсәдән дә булса китереп чыгарылган, барлыкка китерелгән. Анда, аның чыгарылма зурлыгы буларак, үзенең керем һәм чыгым вәкаләтләренә ия булган Татарстан Республикасы бюджеты хасил була. Ватаным Татарстан