ЧЕРЧЕК с. диал. 1) Кечкенә, ябык; чирләшкә. Черчек чеби

2) Вакчыл, бәйләнчек, үҗәт

◊ Черчек чыгару Кемне дә булса гаепләү, кимчелек табу, тавыш чыгару һ.б.ш. өчен сылтау эзләү. Монда черчек чыгарылмый! Кемгәдер гаеп өю өчен, хәтта сылтау эзләү тыела. М.Хуҗин. Көн дә тавыш-гауга куптарасың, Сәбәпләре нидән, әйт, зинһар? Һәр нәрсәдән черчек чыгарасың, Дәшми көтәм, кайчан, дим, туктар. К.Фатыйхова-Бәдретдинова . Черчек эзләү к. черчек чыгару. Шундыйлар, илнең түренә басу өчен, бүтәннәрне гаепкә күмеп черчек эзлиләр, табалар сылтавын, диде. М.Хуҗин. Нинди генә милләт булсак та бит, Без – кешеләр! – шуны онытмыйк. Милләт арасында черчек эзләп, Нәфрәт дөньясына юлыкмыйк. К.Фатыйхова-Бәдретдинова