ХОРЕО’ГРАФ гр. и. 1) Хореография остасы; хореография белгече, биюче. Без – булачак хореографлар. Т.Галиуллин. Ансамбль хореографлар белән тулыланса да, җырчылар кирәк әле. Ватаным Татарстан

2) Хореография укытучысы; биюләр, спектакль яки балет композицияләре куючы; балетмейстер. Шунлыктан театрда хореограф хезмәте бигрәк тә музыкаль жанрга караган спектакльләрдә мөһим роль уйный. Д.Гыймранова. Әнә шул «юк»лыклар бәгырьгә үткәнгәме, минем бер чын тренерны, чын хореографны күрәсем килә иде. М.Садыйков