ХИ’МИЯЛӘШТЕРҮ ф. Химия фәне казанышларын, химик эшләнмә, химик юл белән эшкәртү методларын техникага, сәнәгать өлкәсенә һәм авыл хуҗалыгына кертү, куллана башлау. Фатих Хәлил улы Минушев – райбашкарма председателе, Арча, Әтнә якларын химияләштергән галим. Г.Ахунов. Билгеле инде, без газиз җиребезне химияләштерергә тотындык. Җ.Дәрзаман

Химияләштерә башлау Химияләштерергә тотыну. Егерме-утыз ел элек химияләштерә башлаган иделәр – менә нәтиҗәсе ---. Кызыл таң

Химияләштереп бетерү Тәмам химияләштерү; барысын да һәм күп итеп химияләштерү. Бөтен нәрсәне тәмам химияләштереп бетерделәр инде. М.Садыйков. Бүген без авыл хуҗалыгы белән азык-төлек промышленностен гына түгел, гомумән, бар нәрсәне дә: торакны, җиһазны, кием-салымны, савыт-сабаны химияләштереп бетердек. Татарстан яшьләре

Химияләштереп җибәрү Тиз арада химияләштерү; бераз химияләштерү. – Башкалар кебек, син дә химияләштереп җибәр, кемнән куркасың? – диде ул дорфа гына. Р.Зарипов