ХА’ТА и. слав. 1) Украина, Белоруссия, Россиянең көньягындагы авылларда крестьян йорты. Ә әтием – атаклы сәүдәгәрләр нәселенең соңгы «могикан»ы – чит-ят якта, балчык идәнле хатада яшәп, ниндидер хуторда комбайнчы-тракторчы булып эшләп ни тапты да ни кырды? Н.Саттарова

2) сөйл. Өй, йорт; яшәү урыны. – Кая? – диде Зөбәер механик рәвештә. – Минем хатага, – һәм хастаханәгә чапырыш тугыз катлы йортка таба ымлады. Д.Булатова

3) сөйл. Тоткыннар яши торган урын. Хөкем карары чыкканнан соң, тоткыннар, зонага китү өчен этап көтеп, махсус хаталарда яши икән... И.Сираҗи