ФОЛЬКЛОРЛАШУ ф. Фольклорга, халык авыз иҗатына әверелү. Фольклорлашу – халыклашкан җырлар өчен хас күренеш. К.Миңнуллин

Фольклорлаша бару Торган саен ныграк фольклорлашу

Фольклорлашып китү Күпмедер вакыттан соң фольклорлашу. Ягъни алар [Ә.Ясәви хикмәтләре] берникадәр фольклорлашып киткәннәр, телдән – телгә, кулъязмадан кулъязмаларга күчерелгәндә шомартыла барганнар. Ф.Яхин. Шәкерт дәфтәрләре безгә шулай ук кайсы шагыйрьләребезнең нинди әсәрләре халык арасында киң таралуын, кайберләренең бөтенләй фольклорлашып китүен аныклау өчен дә бай мәгълүмат бирә. М.Госманов