ФЛЕ’ЙТА и. ит. Тавыш тишекләре һәм клапаннары булган туры озын көпшә формасындагы югары регистрлы тынлы музыка коралы. Флейта һәм кларнетларга яңадан җан керде. Флейталарның яңгыравык авазлары гел югарыга омтылды. Ш.Хөсәенов. Симфонияләрдә барабаннар һәм литавралар тантана итә, скрипкалардан үзәк өзгеч моң һәм сагыш агыла, флейталар, елап, сулкылдап-сулкылдап куя. Ә.Рәшит