УЙМЫР и. Уем, җек кебекләрне ую өчен, йөзе сабына перпендикуляр торган тар гына балта төре; аркылы балта. Агачка чигү чиккәнгә охшатып, уймыр белән ясалган челтәрле бизәкләрне, чуарлап эшләнгән өлгеләрне күргәч, Иргали сөенергә дә, көенергә дә белмәде. Мәхм.Хәсәнов. Иренмәсә дә иренми икән кеше! Пычкы, уймыр белән чигү чигә икән. Әнә капка түбәсендә калай әтәч канат кага. Казан утлары