ТҮЗЕМЛЕК и. Берәр авырлыкны, кыен хәлне кичерүдә, эш башкаруда чыдамлык, сабырлык; түземле булу сыйфаты. Теге шакыган кунак, түземлеген җуеп, ресторан ишеген дөбердәтергә кереште. М.Насыйбуллин. Әсәрләрдә, башлыча, табигать һәм кеше арасында көч сынашу; акылы, тапкырлыгы, түземлеге, физик көче аркасында кешенең җиңеп чыгуы турында сүз бара. Л.Ихсанова

◊ Түземлек касәсе ташу кит. к. сабыр савыты тулу. Түземлек касәсе тулып ташкан халык, чарасызлыктан ярдәм сорап, президент Рөстәм Хәмитовның блогына мөрәҗәгать итте. Кызыл таң