ТҮЗӘРЛЕК с. 1. 1) Түзәргә мөмкин булган, чыдарлык дәрәҗәдәге. Көне-төне селкенми бер урында яту никадәр генә туйдырмасын, эчке сызлавы адәм түзәрлек булса, Габбани ыңгырашмады. Ә.Галиев

2) Нык, чыдам. Зур тизлеккә түзәрлек яңа материал һәм тиешле форма үзгәрешләре кирәк. Ш.Галиев. --- «кара алтын» ятмалары булган җирләрдә сейсмик нык-таза, ягъни җир тетрәүләргә түзәрлек скважиналар борауларга туры килмәгәе... Казан утлары

3) күч. Уртача, ярыйсы гына, бик начар түгел. --- ул барып кергәндә, ике-өч хатын-кыз бар иде. Икесе – түзәрлек, сүз-йомыш сыя торган хатыннар ---. А.Гыйләҗев

2. рәв. Түзеп булырлык рәвештә. Кичке пароход белән аска төшеп тә киттек. Аска төшүебезне сөйләмим, түзәрлек булды. А.Хәсәнов

3. и. мәгъ. к. түземлек. Минем түзәрлегем калмаган иде инде. Р.Мөхәммәдиев