ТӨТӘСЛӘГЕЧ и. 1) к. төтәткеч. Юкса бездә бер ертык битлек белән бер төтәсләгечтән башка нәрсә юк. Ф.Яруллин. --- Бер кеше чираттагы умарта стенасына сугылган номерны тикшерә һәм, очу тишеген төтәсләгеч белән төтәсләп, умарта капкачын ача. Умарта кортлары. Төтәсләгечегез, кирәксә, ягып төтен бирерлек хәлдә булсын. Өмет

2) Эчендә хуш исле матдәләр яндырыла торган савыт. Күнлек төтәсләгече

3) дини Христианлыкта келәү вакытында күнлек төтәсләү өчен чылбырларга асылган металл савыт. Алтын төтәсләгеч