ТӨПЛӘП I рәв. 1) Ныклап, җитди рәвештә, һәрьяклап. Бүгенме, иртәгәме төпләп – актык тапкыр сөйләшергә кирәк. Г.Ибраһимов. Гомумән, ул – аз сүзле кеше, тигез, тыныч холыклы, сүз көрәштерергә, шаулап бәхәсләшергә яратмый, әмма инде сөйләргә туры килсә, бик төпләп, дәлилләп, сеңдерерлек итеп үзенекен әйтә дә белә. Ә.Еники

2) Бөтенләйгә, даими рәвештә, ныклап; төпләнеп. Назлы кунакларыбыз булып, шулай сагындырып килсәләр дә, сыерчыкларыбыз килгән көннәреннән, сәгатьләреннән үк төпләп урнашу ягын карыйлар. А.Хәсәнов. Ордер алып, бүлмәгә төпләп урнашканчы, тагын берничә көн узып китте. Н.Фәттах