ТОТНАКЛЫЛЫК и. 1) Үз-үзеңне тота белү, сабырлык; тыйнаклык, әдәплелек. Доцентның тотнаклылыгы, үзенә шулай әйбәт мөнәсәбәттә булуы --- Мәдинәне тәмам әсир итте. А.Расих. Фәкать аның өчен зур иман, зур иҗтиһад вә һичбер каршылыктан курыкмас бик нык бер тотнаклылык кирәк. Г.Бубый

2) Тотнаклы булу; ныклык, тотрыклылык, турылыклылык. Хисләр сафлыгы, җир кызын күкләргә күтәрү, аңа нечкә мөнәсәбәт, бу мөнәсәбәтнең аерылганнан соң да саклануы, трагик хәлләрне кичерүдә тотнаклылык, мәхәббәттә тыйнаклык милли эстетик идеал белән дә нигезләнә. Р.Рахман. Хәзер аңлыйм: безнең күпчелегебезгә хас тотнаклылык, басынкылык, уйлап эш итүчәнлек, сөйләшеп килешә белү, сүз куеша белү, конфликтларны җайлап, кешеләр арасында татулык урнаштыра алу сәләтен кайберәүләр хәйләкәрлек дип аңлый булса кирәк. Мәдәни җомга