ТОТКАР и. Максатлы хәрәкәтне, йөрешне-барышны, омтылышны тоткарлый торган сәбәп, комачау, киртә; тоткарлык. Килеп тотты бер тоткар, Менә ул мине тукмар. Такмаза. Сезгә акча дисәң – акча хәзер, ат дисәң – ат хәзер, берсендә дә тоткар юк. С.Җәлал. Сиңа каршы торырлык көч һәм дошман, сиңа тоткар булырлык киртә һәм корган юк. Әдипләр

◊ Тоткар булу Кемгә яки нәрсәгә дә булса комачау итү. Тоткар салу 1) бор. Дошман юлында һәртөрле киртәләр кору; 2) Махсус рәвештә комачаулау