ТОТАШЛЫЙ рәв. 1) Аермыйча, бүлмичә, бөтен, тоташ килеш, тулысынча. Теге якта --- тоташлый куелган яшел буяулы тимер чардуган, анда куе канәфер куаклары үсеп утыра ---. Ә.Гаффар. Тоташлый каплаганмы, өзлексез агучанмы – көзге болыт-мазарга, кар явулар, сыкы төшүләр, томаннар, бозлавыкларга карамастан, ул шулай итүчән. Сөембикә

2) Бөтенләй, тәмам. Кылынасы кылынмау, тормыш рәхәтлекләрен татырга өлгермәү турындагы уйларга барып җитү Саураны аңына-акылына тоташлый кайтарды. М.Хуҗин.

3) Туктаусыз, өзлексез. Үткән атнада гына тоташлый яуган яңгырлар җирнең бар тузанын юган. Казан утлары. Шуннан соң төннәр буена тоташлый очкылык тотып чыга инде. Ватаным Татарстан