ТИРӘННӘН рәв. к. тирәнтен . Күмәк хуҗалыкның ул чактагы рәисе Сабира апа хатынның кайгысын тирәннән аңласа да, мондый җаваплылыкны үз өстенә ала алмады. А.Хәлим

◊ Тирәннән йөзү к. тирән йөзү. Әгәр бала гореф-гадәтләрен, тарихын белми икән, аның иҗат итәргә сәләте булса да, ул тирәннән йөзә алмаячак. Тигез гомер итегез! Тирәннән сукалау к. тирән йөзү. Таһирыбыз рәсем сәнгате өлкәсендә шактый тирәннән сукалый булып чыкты бит. А.Хәсәнов