ТЕЛӘҮЛЕК и. этн. 1) Борынгы төрки мәҗүсилектә пот, санәм. Теләүлеккә терәүлек (кирәкмәгән эшкә ярдәм). Әйтем. Авыл читендәге теләүлек дип аталган агачларга карап табыну аларның [авыл кешеләренең] гадәте булган. Бу теләүлекнең берсе әле дә Түнтәр авылының басу кырында шулай дип саклана. Р.Зарипов

2) Мәҗүси корбанлык, корбан ителә торган әйбер, чалына торган терлек

◊ Теләүлек шикелле кату к. теләүлек шикелле тору. Теләүлек шикелле тору Селкенми, кымшанмыйча тораташтай тик тору. Ник терәлеп каттың теләүлек шикелле? Ш.Маннур