ТЕЗГЕНСЕЗЛӘНҮ ф. Эш-гамәлләрдә, холык-фигыльдә, сөйләгән сүздә әдәп-әхлак кагыйдәләренә сыймау, тәртипсезләнү. Тезгенсезләнеп, авызлык тешләп дигәндәй пырдымсызланган егетләр казый хозурындагы шәкертләр сыман шым булдылар. Б.Камалов. Иң тезгенсезләнеп ачуланганында да автор патша атамасын хәтта телгә алмый, гүя аңа бернинди җаваплылык йөкләнмәгән. М.Гайнетдин

Тезгенсезләнә бару Торган саен ныграк тезгенсезләнү

Тезгенсезләнеп йөрү Әле, хәзерге вакытта тезгенсезләнү