ТӘҮБӘ-ИСТИГЪФАР и. дини Кылган гөнаһлары өчен үкенеп, чын күңелдән тәүбә итү һәм Аллаһның ярлыкавын сорау гамәле. Менә бүген, тәүбә-истигъфар көнендә, Мәхмүтов бөтен тормышын күз алдыннан кичерде: ничек яшәгән, ничек эшләгән, намусы чистамы? Р.Мирхәйдәров. Гөнаһларның тәүбә-истигъфар юлы белән кичерелүендә зарарлы, яман ялган күрәм, мондый эшләр әдәпсезлекне, әхлаксызлыкны арттыра һәм гөнаһ кылудан курку хисен юкка чыгара. Безнең гәҗит