ТӘРАВИХ и. гар. дини 1) Рамазан аенда ястү намазыннан соң укыла торган намаз. Көнгә биш вакыт, рамазан айларында тәравих намазы да өстәлгәч, алты намаз була ич әле ул. Г.Галиева. Мәчеткә әтисе Мирсәет абзый белән бергәләп йөриләр, ураза вакытында тәравих намазларын да калдырмыйлар. Т.Нәҗмиев

2) Тәравих намазының һәр ике яки дүрт рәкәгатеннән соң тавыш белән көйләп әйтелә торган тәсбих, зикерләр. Ул ураза аенда тәравих тыңларга йөрүче балалар арасында зур кеше --- исәпләнә. Г.Толымбай

◊ Тәравих әйтү Тәравих намазының һәр ике яки дүрт рәкәгатеннән соң, көйләп, билгеле зикерләр уку. Тәравих чәе Ирләре мәчеткә тәравихка киткәч, хатыннарның аулакта эчә торган чәй мәҗлесе; гомумән шул вакытта эчелә торган чәй. Бәдрикамал абыстай Бәдриҗамал абыстайны тәравих чәенә дәшәргә уйлады. Г.Рәхим