ТАШБАСМА и. Ташка уеп эшләнгән рәсемне, язуны турыдан-туры кәгазьгә төшерү ысулы; литография. Аның [Г.Баязитовның] ташбасмада чыккан «Татар теленең сарыф вә нәхүе» дигән китабы да бар. М.Мәһдиев. Ул [Хөсәен Фәезханов] татар телен өйрәнү өлкәсендә дә күп эшли, ташбасма (литография) ысулы белән «Краткая учебная грамматика татарского языка» (1862) дигән хезмәтен бастыра, шулай ук төрки телләр сүзлеген һәм хрестоматиясен төзи. А.Гайнетдинов