ТАСМАЛА’У ф. 1) Тасма белән бизәү, матурлау. Өсләрендә озын итәкле, озын җиңле куе яшел төстәге күлмәкләр, үзләре яланбаш, чәчләрен матур итеп тасмалап үргәннәр. Ф.Мөслимова

2) Тасмаларга телгәләү, тасма-тасма итеп кисү, тураклау. Озынчалап бүленгән кыярны тасмалап кисәләр. Ватаным Татарстан

3) Тасма рәвешенә китерү. Хуш исле болын гөлләрен Чалгым тасмалап сала. К.Фатыйхова-Бәдретдинова

4) күч. Буй-буй сызыклар белән каплау. Киң, шома, нык, матур юллар корыган, кипкән сазлык өсләрен тасмаладылар. И.Туктар

Тасмалап тору Әле, хәзер тасмалау

Тасмалый башлау Тасмаларга тотыну

Тасмалый тору Әлегә тасмалау