ТАКТАЛАНУ I ф. төш. юн. к. такталау . Рәнҗү-каргышларын берьюлы ачып салган хуҗалар да, ярым караңгы, тынчу өй дә, чыпта кадакланган дымлы ишек тә, тышкы яктан такталанып, пычкы чүбе тутырылган вак-вак дүртәр өлгеле тәрәзәләр дә, чаршау алып ташланганлыктан шәрәләнеп калган сәке дә --- – барысы да күңел биздергеч иде. М.Хәсәнов

Такталанып тору Даими яки әледән-әле такталану; әле, хәзерге вакытта такталану

Такталанып яту сөйл. к. такталанып тору. Такталанып яткан саллар, карсак борынлы баржалар, эреле-ваклы пароходлар торган саен ешрак очрый. Р.Низамиев