СИГЕЗАЯК и. зоол. Башаяклы моллюскларның бер төре булган көчле зур сигез капшавычлы ерткыч диңгез хайваны; спрут. Диңгез төбендә шар күзле, юан, салмак-ваемсыз балыклар, кыслалар, краблар, йолдызлар, еланбалык, сигезаяк һәм меңләгән кабырчыклар, әкәм-төкәмнәр яши. Р.Батулла. Кинәт куркыныч туганда, сигезаяк, кальмар яки каракатица биздән чыккан сыекчаны, кара яки көрән болыт рәвешендә, бүрәнкә аша тышка бөрки һәм үзенә ташланган дошманыннан кача. Биология