СӘЛАМӘТЛӘНҮ ф. Савыгу, тазару. Тазарып, сәламәтләнеп, август башы җитеп, Петербургка кайткач, Шәмсинең урынсыз калганлыгы беленде. Г.Исхакый. – Йокы тизрәк сәламәтләнергә ярдәм итә ул, – дип, врач чыгып китте. В.Нуруллин

Сәламәтләнә бару Торган саен, көннән-көн сәламәтләнү

Сәламәтләнә башлау Сәламәтләнүгә таба йөз тоту. Дүртенче тапкыр яраланган бу командир бик авырлык белән генә сәламәтләнә башлый. С.Шакир

Сәламәтләнә төшү Беркадәр сәламәтләнү

Сәламәтләнеп бару Аз-азлап сәламәтләнү

Сәламәтләнеп җитү Тулысынча сәламәтләнү

Сәламәтләнеп килү Сәламәтләнүгә таба бару

Сәламәтләнеп китү Тиз арада сәламәтләнү