САМАВЫР и. рус Үзәктәге утлыгына күмер ягып, су кайната торган кранлы металл савыт. Башта гадәтчә самавыр мәйданга чыкты. М.Акъегет. Самавыр гаеткә дип ачылган [чистартылган], самавыр көлә-көлә җырлый. Г.Исхакый. Әйдә, булмаса, карчык, самавырыңны яңартып җибәр, күчтәнәчләр белән тәмләп чәй эчеп алыйк. Г.Галиева

◊ Самавыр яңарту Сүнгән һәм суына башлаган самавырга күмер өстәп, суын кайнарлату яки яңадан кайнатып чыгару. «Туйдык, туйдык инде», – дип тартынсалар да, Гөлйөзем әби тагы кайнаган су берлән самавырны яңарткач, тагы эчәләр иде. Г.Исхакый. Үкүбала, ирен көтеп, инде берничә тапкыр самавыр яңартты. Ч.Айтматов