САЛМА и. 1) Токмач камырын, дүртпочмаклап кисеп яки вак кына кисәкләргә өзгәләп, шулпада пешереп алынган ашамлык; чумарның бер төре. Туктан токмач кистермә, ачтан салма өздермә. Мәкаль. Салма салган ясмык ашы пешкән көн бәйрәмгә әйләнә! А.Гыйләҗев

2) Шундый камыр салып пешерелә торган аш

◊ Салма савыты гади Авыз турында. Фазлый, бирешмә, чәйдәш, салма савытына кундыр! Т.Гыйззәт. Бик ачуны китерсәләр, мәми авызларның салма савытларына да менеп төшәргә бик кыйбат алмабыз. Г.Камал