ПЫ’РТ ИТҮ ф. 1) Шундый тавыш чыгару. Биредә «хуш исләр» тагын да көчлерәк үсеш алды: юылмаган носки, тәмәке төтене һәм хәмер болытына ара-тирә пырт иткән авазлар кабатланмас тәм өстәделәр. Ф.Бәллүр

2) Берәр нәрсә кинәт кенә ертылып китү

3) күч. Бик нык ачулану, дулау; үпкәләү. – Ә-әй, синең белән сату итеп буламы! – Кипшенгән әби пырт итеп урыныннан йолкынды һәм, җиләген күтәреп, юл аша завод капкасы каршына китте. А.Хәлим