ПРОБЛЕ’МАЛЫ с. Нинди дә булса проблеманы чагылдырган, берәр проблеманы тикшерүгә, хәл итүгә багышланган, катлаулы мәсьәләне эченә алган. Безнең редакторга тормышчан – проблемалы мәкалә язып китерсәң, коты чыга. Ax, тегеләй уйламагайлары, бүтән төс бирмәгәйләре дип, шомарта-шомарта, әйбернең җанын калдырмый. Х.Камалов. Мин, мәсәлән, проблема эзләп маташмыйм. Чөнки, әгәр мин бүгенге көндә яшим икән, ни генә язсам да проблемалы була. Ф.Яруллин. Әйе, җитди проблемалы драмалар сирәк туа. А.Әхмәдуллин