ПРОБИ’РКА и. рус Лаборатория эшендә кулланыла торган бер башы йомык пыяла көпшә. Людмила кулында пробиркага алынган кан. Т.Гыйззәт. Тиз арада тынлык урнаша, һәр икесе пробиркалар белән булашканда яки, бүтән шөгыль табып, арлы-бирле йөренгән вакытта да эштән бигрәк Фәнүзә хакында уй йөртә. Ә.Баян. Генри бер пробирканы, амбарның аргы башына илтеп, калай киштәгә куйды. А.Тимергалин