ПРЕА’МБУЛА и. лат. кит. Конституциянең, халыкара килешүнең яки берәр мөһим актның кереш өлеше. – Кабул ителергә тиешле Бала хокуклары турындагы законны ниндирәк итеп күз алдына китерәсез? – Аның, билгеле, преамбуласы да булыр. Аннары күп кенә бүлекләре бәян ителер. Р.Миңнуллин. Преамбула өлешендә ислам, буддизм һәм яһүд диннәрен дә искә алуны яклап чыктылар һәм шундый гыйбарә (формулировка) тәкъдим иттеләр. Р.Мөхиярова