ПОЧЁТ и. рус сөйл. Хөрмәт; игътибар, ихтирам. Кая барсаң – почёт, бөтенесе хәлеңне сорый. М.Мәһдиев. Шулай бер заман Казаннан, бик хәтәр вәкилләр ияртеп, тагын кунак килеп төште. Мәскәүдән, министрлыктан кешеләр бар. Район өчен дәрәҗә, почёт! А.Гыйләҗев

◊ Почёт тактасы Мактауга, хөрмәткә лаек кешеләрнең исеме язылган яки сурәте куелган махсус стенд; мактау тактасы. Чәчәккә күмелгән үзәк мәйданына бездәге почёт тактасын хәтерләткән «Изгелек юлы»ның схемасын ясап элгәннәр. М.Юныс