ПО’ЕЗД и. рус Локомотив яки моторлы вагон ярдәмендә хәрәкәткә китерелә торган бер-берсенә тоташкан вагоннар составы. Баку белән Дәрбәнт арасында бер кечкенә генә станциядә безне поезддан төшерделәр ---. Ш.Камал. Каршыбыздан гына елан төсле елкылдап, җемелдәп, дизель поезд узып китте. А.Гыйләҗев. Метро поезды кешеләрне төркемләп һәм берәмләп шәһәргә тарата. М.Юныс

◊ Поезд китте Хәлне төзәтер, нәрсә дә булса эшләр өчен артык соң булу; вакытны, форсатны кулдан ычкындыру турында. Теге заманнар үтте. Ә син һаман теге заман гадәтләрен куасың. Син калдың, Вил Садриевич, ә поездың китте. Х.Камалов. Поездың китте, дисәләр, Йөрәк калсын ялкында. Инде беттем дигәндә дә Үкенми яши алсаң. В.Фатыйхов. Кыскасы, мин кайтыр вакыт җиткәч кенә каты яндым. Юләрлегем аркасында. Хәзер поезд китте – терсәкне тешләп булмый. Н.Хәсәнов