ПАНИСЛАМИЗМ и. гр. Ислам динендәге халыкларның милләткә һәм социаль хәленә бәйсез рәвештә бер дәүләттә берләшүен күздә тоткан сәяси идеология. Панисламизм – сәясиләнгән рус миссионерлары уйлап чыгарган бер нәрсә ул. С.Максуди. XIX гасыр азагында барлыкка килеп, панисламизм мөселман халыкларын чит ил изүчеләреннән азат итү лозунгысы төсен ала. М.Мәһдиев. Элек ошамаган рухи җитәкчеләрне панисламизм, пантюркизм кебек сүзләр белән эзәрлекләсәләр, хәзер исә башка төрле «-изм» кушымчалы яңа сүзләр табылды. Безнең гәҗит