ОРФОГРА’ФИК с. лингв. Дөрес язылышка караган. Телебездәге гарәп һәм фарсы сүзләре орфографик мәсьәләләргә бераз катлаулылык кертәләр ---. Р.Әхмәтьянов. Язганда, җиңел һәм тиз аңлау өчен, орфографик кагыйдәләрнең һәр кеше өчен уртаклыгы кирәк булса, сөйләм телендә шул ук максатларда әйтелеш кагыйдәләренең уртаклыгы кирәк була. Ф.Сафиуллина. Кайвакытта язмаларда орфографик хаталар кала. Мәгърифәт